قل للسّماء لا عاد تمطِر حبايب !!!

صَباحُكُم / مَساءُكُم ماطِرٌ بالفَـرَح ، عَاطِرٌ بالحُبّ


قل للسّماء لا عاد تمطِر حبايب
أنا أمتلا ظهري من طعون الأحباب



جردٍ رعاها ب / أول العمر غايب
ماعاد يغريها ( الوسم ) تنبت أعشاب



اللي كسر ظهره جحود القرايب
وشلون يستأمِن سكاكين الأجناب



يا أحباب مالي بالحكي والطّلايب
وماعاد فيني قلب يستحمل عتاب



من كثر ما شافت عيوني مصايب
شريت صبري قفل وأسكنته الباب



ألدّ طرفي عن بروق السّحايب
عن كل ما يغري بي قلوب الأغراب




قم غنّ لجروح الزمان العطايب
ولا عاد تسألني على كل من غاب



وأن عنّت الذكرى وهبّت هبايب
سكّر درايشها ترى ( الشوق غلاّب )


أبداع : الشَّاعِرُ:
نـوَّافْ التركِيْ