اجمل خمسين بيت شعر قريته

موضوع: اجمل خمسين بيت شعر قريته 22/1/2010, 3:41 am

سلاااااااااام

هذي مجموعه من افضل الابيات اللي قريتها اتمنا انها تعجبكم

((1))

تبي تشوف الحزن بصوره صح

شف دمعة الفرقا على خد رجال

((2))

نفس الدموع اللي بكت لك تناديك
هي الدموع اللي فراقك توده
ياسارق الفرحه من اعماق مغليك
على دروب الياس دربي تحده

((3))

لا جيت أبختار غيرك أرجع أختارك
ولا جيت أخونك أزيد عشق وصونك
عندي خبر جنتي بالهوى نارك
بالضبط فيني جنون يشبه جنونك

((4))

ليتها الاعمار تهدى والسنين
مثل ماتهدى الهدايا بالتمام
كان يمه كل ماتتقدمين
بالعمر كان اهديك عام

((5))

توهتني...ضيعتني..طول دنياك...عامين ... وأرسم في عيونك سحابه

((6))

ياشينها لاصرت بين أختيارين ...مستقبلك ولا حبيبا توده

((7))

العالم المجنون وش دخلك فيه
ردي..ترى ماني للاشواق تمثال
دامي بقايا أنسان ليه أشترتيه
ودامي طفل من علمك عشق الاطفال

((8

لامن زعلتي قلبتي عالمي كله
وخلق الله أعيوبها تحطينها فيه
ولامن رضيتي تناديني هلا والله
جنون..غيره..على هالحال يوميه

((9))

بالماء كتبت أغلى المبادىء والاحلام...لا واخساره يالكتابه على الما

((10))

تقول اللي طرف عيني أنا مدري هدب او عود...أحس اني من اللي صابها ماأشوف قدامي
ضحكت وقلت لا تخافي على بحر العيون السود...على خط الكحل مريت وهذا موضع اقدامي

((11))

أسمحيلي أببحر في عيونك دقايق... رحلة احساس والمراكب شوق دفين
لا تقولين باكر دام هالصدر ضايق... يابعدهم تعالي بس لو ساعتين

((12))

بتشوف نفسك ترى ماأبيك ... عن الهوى ... وعنك مستغني
ولانيب راضخ ..ولا راجيك....الله ترى المفقر...المغني

((13))

هذا يشاور يحسبن ذاك فلته... عميا تبي في زينها راي عميا

((14))

حرام موت الحب فقلوب الآحباب... حرام يذبل ماسقته المشاعر
الثقل عمره مافتح للغلا باب... والصد يطعن مثل طعن الخناجر

((15))

ما جا على باللي خطاك انت بالذات
لا تعتذر كافي يجي منك اكثر
مات الغرام اللي لك بداخلي مات
ماعاد ينفعك العذر لو تعذرت

((16))

غلطان من بالهوى يصبر على جفاك
ومسكين من بالهوى تنوى صدوده
أخشى عليك من القدر لاصرت وياك
وأخشى عليك من البشر ناس حسوده

((17))

صدفه ولمتنا الدروب الطويله
في خطوتين أعيوننا صارت احباب
صنعت عمري بين يوم وليله
في لفتة ساقت لنا سم الاهداب

((18))

لا تقولين افترضنا أو يكون
افترضنا او مع الدنيا نسير
الهوى مايقبل أنصاف الحلول
يانصير او ياحبيبي مانصير

((19))

أنزعي صمتي وعلمني الكلام...خلني أقتل مفاهيم الخجل

((20))

لاجيت ابكي فأرفعي هامتك فوق ... قولي قدرت أذل من كان غالي

((21))

لو للزمن عن نية الغدرشيمه... مافرق آحباب ولا بعد احباب
كل خصيم وذاق لوعة خصيمه... واللي خصيم الوقت يابنت خسران

((22))

الغالي اللي عجزت أنفيه من صدري..نثرت له عذاب دمعي حب وأسقيته
واليوم مليت صبر وملني صبري... خطاي ولا خطاه يوم حبيته

((23))

أنا والصحاري والمطر والفرس والطير...ونبت الخزامى والظبي والشعر خلان
بنيت البيوت من الشعر والشعر تعبير... عن الماضي الحاضر وعنما يكون وكان

((24))

رجيت غيمه ما سقاني مطرها... صار الرجا ... ونه ...وعبره ...وصيحه
عقلي يعاتبها وقلبي عذرها... يالله عساها من الشقا مستريحه

((25))

لو يودك ود مثل اللي اودك... خالك وعمك وابوك وجد جدك
كان في يسراك حطو عرش كسرى .. وفي يمينك حطوا الدنيا بيدك

((26))

على كثر القصايد... وكثر ماجاب الخيال افكار
تعبت ومالقيت الا ثمان اشياء تشبهلك
نور الشمس ..لون الغيم ..طهر الماء
وصمت النار..ولين الورد..فجر العيد
ملك...وانسان...ياسهلك

((27))

ماني بسارح من لظى لوعة الشوق ... ماخلقت اللي تستحق أحتراقي
ودنياك هذي مدرسة كل مخلوق ... ودرب النزول يعلمك للمراقي

((28))

شبي حريقه وشدي شعرك الثاير ... ماكن به فوق سطح الارض غير انتي
أنا أقدر أنساك ياحلوه على الطاير... وامسحك من عالمي واقول ماكنتي

((29))

ياما بهالدنيا قلوب ...تخدع ولا يمكن تتوب...أن جيتهم أنت الحبيب...وان رحت حطو بك عيوب

((30))

كلها ساعه زمن عمر العلاقه... كيف قلبك حبني فيها غريب
انت ماتعرف محبه من صداقه ...كل من حاكاك سميته حبيب

((31))

ذكرت ميعاد الهنوف ونستني ... الله يسامحها على كل الاحوال
ماودعتني مثل ماواعدتني... ولا كحل فرقاي مع دمعها سال

((32))

نسيتك نسيت الصبر والسمع والطاعه...نسيت المكان ومولد الحب واخبارك
كأني اعرفك قبل لاعرفك بساعه..فلا قل مقدارك ...ولازاد مقدارك

((33))

في عيوني دمعة الفرقا قدر..وفي عيونك وحي مخدوع الضمير
لاتقول الحظ خانك وأنعثر .. ولا تقلل قيمة الحظ الكبير

((34))

ياخوف قلبي يجيلك يوم وتصدمني ... وتمشي على جروح قلبي وتنكر آحساسي
أخاف لا يوم تلقاني وتسألني... شفتك انا وين ذكرني ترى ناسي

((35))

ليت الشوارع تجمع اثنين صدفه .. لاصار شباك المواعيد مجفي

((36))

حب قصير وحب ماله نهايه ...وحب يموت وحب أقوى من الموت

((37))

أنساك لحظه وأذكرك باقي العام ..حتى وانا ناسي نسيت وذكرتك

((38))

لو بغيت أعشق ابلقى كثر حبات الرمال ... لكن انتي لو بغيتي صعب مثلي تعشقين
قلت لك كل الصراح واختم الطراف الجدال... وان زعلتي من كلامي تزعلين وتقعدين

((39))

جاء يشوف الحال كيفه بعد ماهزه حنينه .. وقبل يسألني سألته كيف حالك يالحبيب
قال أنا كني غريب ضيع دروب المدينه .. قلت انا كني مدينه تنتظر رجعة غريب

((40))

أحسب ان الوقت لامنه صفا ..ماتبدل بيض ساعاته سواد
باحتري باقي العمر لحظة وفا ..هو يجود الوقت ولا مايجود

((41))

زعلت ومالقيت اقرب من الدمعه تفك الهم..غضبت ومالقيت ابعد من عيونك ابكيها
حبيبي والوجع يسمع من جروحي حديث الدم .. تخيلت الغلا نبضه تحاكيني وآحاكيها

((42))

مابقى للحزن في غيري بقايا ..كل حزن صار في قلبي محله
لو جمعت ذنوب عمري والخطايا ..كان بعض الحزن يمحي الذنب كله

((43))

فمن لهم حكما عليك لايرحمون ..نزعوك من وسط الفؤاد والعيون
فلا يحق أنك تقتل ويقتلون... اموات نحن بين خلقا يرزقون

((44))

علمني الوقت كيف اصبر على همي ... كيف اتلافى واقاوم طعنتك فيني
تعبت اكرر حقيقه قالها فمي ... عشرتك ذله واحساسك يوطيني

((45))

شف بقايا الليل في وجه الصباح ... كنها ذكراك في يوم الرحيل
مادريت ان الغلا لاطاح طاح ... لين شفتك دمعة عيت تسيل

((46))
ادورلك كلام أجمل ولا اجمل من كلام القلب ... وعمر القلب مايكذب نهار يحدث احبابه
أطير لك حمام البال وأفقد كل ليله سرب ... يمسيه الورق بحضنه الدافي ويدفابه

((47))

سمها دمعه وأسميها أبتسامه ..وان نويت بجرح قلبي لا تبالي
والله اني مانحني عزم وقامه ... اما انا ولا انت يا جرح الليالي

((48))

قال الوداع وقلت هذا مكاني ..والله لو طال الزمن ماتعداه
أما الى منه رجع لي لقاني ... ولا يكفيني مكانه وذكراه

((49))

انثريني في عيون الناس نور.. وازرعيني موطن الضيقات هم
دام قلبك للشقا .. ماهو صبور ..كيف نزرع للفرح مليون فم

((50))

الصدق عقد من الجواهر والالماس ..والكذب طفل مايكمل رضاعه

العالم المجنون وش دخلك فيه
ردي..ترى ماني للاشواق تمثال
دامي بقايا أنسان ليه أشترتيه
ودامي طفل من علمك عشق الاطفال
ـــــــــــــــــــــــــــــــــ ـــــــ
وااااااااااااااااااااو .. والله من جد اجمل ابيات ..

لك ارق التحايا .. والله يعطيك الف عافيه ..

هذا الموضوع تكمله لسلسله مواااضيعك المميزه حبيبتي..
تشكراااااااااااااااااااااااااااااتي لك..

ياخوف قلبي يجيلك يوم وتصدمني ... وتمشي على جروح قلبي وتنكر آحساسي
أخاف لا يوم تلقاني وتسألني... شفتك انا وين ذكرني ترى ناسي

ـــــــــــــــــــــــــــــــــــــــ

حب قصير وحب ماله نهايه ...وحب يموت وحب أقوى من الموت

ــــــــــــــــــــــــــــــــــــــ

احلى الابيات قراته مشكور ع الموضوع ..

ليتها الاعمار تهدى والسنين
مثل ماتهدى الهدايا بالتمام
كان يمه كل ماتتقدمين
بالعمر كان اهديك عام

*******************************
يسلمو ع الذوق الرائع
ومشكورة ياعسسسسل
لاعدمناك ولاعدمنى هالذوق الرائع
ودي
اميرة الصبايا

» اجمل واغرب سيارات 2010